خطوات عملية تزيد الثقة بالنفس

خطوات عملية لزيادة الثقة بالنفس

(مايكل راشد)

 الثقة بالنفس  من المواضيع المهمة جدا إللي ممكن نشتغل عليها في حياتنا، وموضوع مؤثر تقريبا في كل أجزاء حياتنا، علاقاتنا أو شغلنا، أحلامنا أو طموحنا أو أي حاجة، إنت ممكن تكون بتفكر فيها أو بتعملها هتلاقي جزء كبير منها ثقة بالنفس.

لو بتفكر تطور الثقة بالنفس بتاعتك وتطلع بيها مراحل كده لفوق تابع السطور القادمة

تعريف فكرة الثقة بالنفس

الثقة بالنفس هي إن الواحد يكون عارف نفسه كويس، ومتقبل نفسه بكل الحاجات الحلوة إللي فيها، وبكل الحاجات إللي محتاجة تتظبط أو تتصلح، و لأن إحنا البشر مش كاملين، كل واحد فينا عنده مشكلة معينة، كل واحد فينا عنده جزء محتاج إن هو يشتغل عليه أكتر.

فكرة الثقة بالنفس بتيجي تغطي كل الكلام، ده أنا عارف إن أنا في الموضوع الفلاني دا وحش، ولكن أنا برضه واثق في نفسي، طبعاُ في درجات من الثقة بالنفس، 

يعني في ثقة بالنفس بدرجة كبيرة جدا فبتوصل لمرحلة الغرور 

وفي ثقة بالنفس قليلة جداً، فبتحس إن الحد ده مش واثق في نفسه أو حد ضعيف أو هكذا.

إحنا دلوقتي بنتكلم على الدرجة السليمة من الثقة بالنفس إللي هو الدرجة إللي إنت تبقى ظاهر فيها إن إنت معندكش أي مشكلة داخليا مع نفسك، وفي نفس الوقت إنت ظاهر برضه قدام الناس إن إنت واثق من نفسك، وده معناه إن إحنا هنشتغل على محورين:

المحور الداخلي ( نفسك من الداخل ) و المحور الخارجي ( الشكل الخارجي )

  

المحور الداخلي ( نفسك من الداخل )

أولا: الإستعداد ليومك وعمل خطة تفصيلية ليومك

تخيل معايا كده لو إنت صحيت من النوم الصبح وقلت أنا هعمل الخطة اليومية بتاعت النهاردة بكل تفاصيلها، فقلت مثلا إن أنا دلوقتي هقوم أفطر أو أخدش أو كده، وبعد كده هنزل أروح الشغل بتاعي أو أروح الكلية، هقابل ناس الفلانية، أحضر المحاضرة الفلانية أو هعمل الشغل الفلاني.وهكذا هتقبل بقى صحابك في الكلية، هتقابل ناس صحابك في الشغل، مديرك هيكلمك بأسلوب مش كويس أو في مواعيده، يكلمك بأسلوب مش كويس، وتخيل كل إللي ممكن يحصل في الموضوع ده. حاول على قد ما تقدر و تحط تفاصيل كتيرة جدا في خريطة يومك، إنت بترسمها.

كل ما إنت يكون عندك إستعداد إنك تتقبل أي حاجة ممكن تحصل في الخطة بتاعة يومك، وبالتالي أنت مستعد ، الإستعداد هو جزء كبير جداً من فكرة إن إنت يكون عندك ثقة بنفسك.

ثانياً : أفكار إيجابية عن نفسك

بالعربي كده مقولة إيجابية هتقعد تقولها على نفسك يعني إنت من الآخر كده تتخيل جملة توصف بيها نفسك، الجملة دي هتكون طبعا إيجابية، الجملة دي هتفضل ترددها على نفسك، كل ما تقوم النوم الصبح، كل ما تبقى، إنت مثلا رايح شغلك أو رايح كليتك أو رايح أي مشوار، هتقعد ترددها جوا دماغك، وتحاول إنك تصدقها في نفسك، يعني حاول إنك تتظاهر بإن إنت مصدق في الكلام إللي إنت بتقوله ده، لغاية ما فعلا يكون حقيقة.

مثال على جملة كان حد شهير جدا بيقولها (محمد علي كلاي) إللي هو بطل الملاكمة، كان دايماً بيقول على نفسه كده جملة اسمها أيه ؟ ، بغض النظر إن هو بيقول إن هو الأعظم، أو إن هو الأحسن، أو إن هو الأفضل، إن ده في شيء من الغرور أو في شيء من التعالي، ولكن أنا الصراحة لو ما كان محمد علي في الموقف بتاعه ده ممكن أقول كده برضه ليه؟ لأن أنا دايما قدام منافس صعب.لو أنا شكيت ولو للحظة واحدة إن هو أحسن مني، ممكن يقوم دي ضربة كده؟ يعملك؟ ممكن يطرحني أرضا، فأنا محتاج إن أنا دايما أقول لنفسي إن أنا أحسن إن أنا الأقوى، محمد علي كلاي، مش بس كان بيقول بقى كده لنفسه، ده، كمان الفكرة دي إمتدت للناس إللي بيلعب معاهم، فبقى دايما الناس إللي بيلعب معاهم بيبقوا خايفين منه، واحد شايف نفسه.إن هو الأقوى والأحسن، فبالتالي أنا أصلا وأنا داخل قدام و ثقتي بنفسي اتهزت، يمكن ماكانش محمد علي، كان مصدق نفسه في الأول، لما قال على نفسه كلمات، ولكن بعد فترة ابتدى يصدقها، لما ابتدى ياخد بطولات أكتر.

فإنت دايما برضه حط لنفسك كده جملة صغيرة إيجابية، دايما بتقولها لنفسك، أنا إنسان ناجح جدا، أنا مفيش مشكلة بتقف قصادي، أنا ممكن أغير العالم.وهكذا، كلما تقعد تقول الجملة دي على نفسك أكتر، كل ما إنت هتصدقها أكتر، وبالتالي ثقتك بنفسك هتلاقيها إزدادت جدا، بقت خطوة هي إنك تتجاهل بعض آراء الناس حتى لو كانت صحيحة.

أحكيلكم قصة شخصية ليا عن النقطة دي عن إبن أختي الصغير

إبن أختي الصغير بيحب السباحة ، الولد في الأول طبعا مكنش عارف يعوم المدرب حطه في الميهوابتدى إن هو يغرق، ولكن المدرب طلعه، فأنا كنت رايح أقوله معلش، المرة الجاية هتقوم أحسن، والكلام ده كله، لقيته بيقول لي شوفت وأنا بعوم، شفت وأنا بعمل إيديا كده وبعمل كده وبوصل الناحية التانية من البسين والكلام ده كله، فده طبعا طفل والطفل ليه؟ تخيل كبير جدا، أنا محبتش إن أنا أحبطه، محبتش أقول له لأ، مش ده إللي حصل، إنت مكنتش عارف تعوم.فسبت لوحدة.

المرة إللي بعدها لقيت يوسف بيحاول إن هو يعافر عشان يعوم أكبر، ولقيت يوسف فعلا وصل لمسافة أبعد لوحدة، لو إحنا كنا جينا كده للطفل ده، وقلنا له لأ، إنت أصلا معرفتش تعمل الكلام ده، أو معلش المرة الجاية هتعمل كده، أو الطفل ده كان صدق الكلام إللي بيسمعه من الناس ماصدقش القصة، هو بيحكي على نفسه، كان المرة إللي بعدها أكيد ماكانش عام، أصلا، كان ممكن بقى هيخاف من العوم، كان ممكن هيعوم وهو مهزوز ولكن هو فضل هطط في دماغه قصة معينة، ورفض إن هو يسمع لباقي قصص الناس، ساعات برضه كده في ناس تقول لك إن إنت مش هتقدر تعمل حاجة معينة أو الحاجة دي صعبة أو الحاجة دي مش أحسن حاجة، إنت مش كويس في الموضوع الفلاني، ممكن يكون عندهم حق في اللحظة دي، و لكن لو إنت وقفت عقلك على اللحظة دي مش هتتطور في الموضوع ده، فتعود إنك تتجاهل الكلام السلبي إللي بيتقال لك إللي ممكن يوقفك في مكانكو ميخليكش تاخد خطوة لقدام.الخطوة الرابعة في الجزء ده هي فكرة التكرار إنك تفضل تكرر الحاجة أكتر من مرة لغاية ما تبقى عندك ثقة كاملة فيها.

يعني مثلا لو إنت بيبقى عندك مشكلة إنك تطلع تتكلم قدام الناس في مثلا، أو حاول إنك تقف تتكلم قدام نفسك في المراية، حاول إنك تتكلم مع ناس أصحابك، أو مع عيلتك، أو مع ناس، يعني إنت بتثق فيهم أكتر من مرة قبل ما تروح تكلم مع الناس الغريبة، هتلاقي نفسك من كثر التكرار، ومن كثر ما انت بتكرر الحاجات إللي إنت بتقولها، هتلاقي نفسك بقى عندك ثقة بالنفس أكثر، إنك تقف قدام ناس كتيرة جدا وتتكلم وتقول إللي إنت عايزة، فالتكرار دايما بتدينا ثقة، لو عملت الحاجة مية مرة هتلاقي كده المخرج بيقول لك إنت خايف من إيه؟ إنت عملت الموضوع ده مية مرة قبل كده.

المحور الخارجي (أفعال خارجية تزيد الثقة بالنفس)

الصوت

الصوت هو من أكتر الحاجات إللي بتوصل رسالة إللي قدامنا إن إحنا واثقين في نفسنا أو لأ، يعني لو إنت بتتكلم مع حد وصوت واطي إنت هتاخد إنطباع إن الحد ده مش واثق في نفسه، تلاقيهم حتى كده بيقول لك وإنت داخل أي فيديو علي صوتك. خلي صوتك يبان قوي للحد. إنت بتكلم معاه ليه؟ عشان تبين إن إنت واثق في نفسك.

إنما بقى لو بتكلم بصوت واطي خالص هتحسس الناس إن إنت معندكش ثقة في نفسك.

لغة الجسد

تاني حاجة إنك تهتم بلغة الجسد إللي بتمثل الثقة، حاجات زي إنك تقف ظهرك مفرد تبقى بتتكلم وإنت إيدك مفتوحة كده مش مقفولة، أو مش مربع إيدك. بص .

المظهر الخارجي اللائق

عشان تبان إن إنت واثق في نفسك هو إنك تلبس كويس، للأسف إحنا كبشر بناخد انطباعات أولى كتير جدا، على فكرة الهيئة بس، يعني أنا شايف إللي قدامي ده واقف إزاي؟ هل لابس كويس ولا لأ؟ شكله نضيف ولا لأ

لو أنت لابس هدوم كويسة نضيفة هدومك شكلها كويس، غالباً هتدي إحساس إللي قدامك إن إنت واثق في نفسك. وده برضه يساعدك من جواك. إنت تتعامل بحرية لأن إنت حاسس إن إنت مظهرك الخارجي رائع.

أن تكون على طبيعتك

من أساسيات الثقة بالنفس إنك تبقى على سجيتك، في ناس بتحاول إن هي تتصنع فكرة إن هي تبقى حد تاني، كل ما أنت بتحاول تقرب الهيئة والأسلوب بتاعة حد تاني، كل ما إنت بتفقد الثقة في نفسك أتعامل عادي بطبيعتك. هزر هزارك. إنت بتحب تهزر؟ قول الجملة إللي إنت بتحب تقولها، خليك نفسك، و ساعتها هتبقى واثق من نفسك ، إنما لو بقيت على شكل حد تاني يبقى أنا ما عنديش ثقة في نفسي.

الثقة بالنفس إحساس رائع مكتسب من الأكيد لو أنت خدت القرار و بدأت الخطوات العملية السابقة سوف يصلك هذا الإحساس الجميل

و إليك لينك الحلقة لمايكل راشد عن الثقة بالنفس

تعديل المقال