كيف أتخطى الأزمة أو المحنة برنامج بصير الحلقة 3

بصير الحلقة (3)

إحساس العجز وقت الإزمات

   

 المواقف الكبيره اللي بتعدي بالافراد او حتى بتعدي بالامم بتعمل شتات عند البني ادم ، هي المحن الكبيره اللي يشعر الانسان وقتها انه عاجز عن المساعده او التفاعل او المسانده ، واحساس العجز ده مزعج جدا عند البني ادم ممكن يجيب له اكتئاب

فاحنا محتاجين كل واحد يبقى بصير و يقدر يتصرف في اوقات المحن الكبرى علشان يبقى راضي مستقر مش مكتئب

 والأحزان ما تزيدش عليه والقدر موجود والقدر ساري وربنا ليه حكمة  فوق تصور البشر

مجموعه حقائق تنقلك من الشتات لليقين لما تشعر انك انت عاجز وقت الفتن والازمات

ساند غيرك دون ان تحترق

مثلا حد من اصحابك عنده مرض شديد بقاله  شهور او فتره طويله في المستشفى والحاله بتسوء

أو حد عنده حاله وفاه في اسرتك او في حد من المقربين وانت مش قادر تعوض مكان الشخص اللي توفي وانتقل لربنا و  مش عارف تعمل ايه ؟ فقط ساند، ساند بس من غير ما تحترق ، يعني ايه تحترق يعني تنفعل جدا لدرجه انك انت انشطه حياتك تتوقف.

هم بيسموه  الاحتراق العاطفي هو انك دايما حاسس بشيء من تأنيب الضمير إزاي بعد حاله الوفاه دي ازاي باكل وبشرب ازاي بنزل شغلي وحبيبنا ده مات وساب الدنيا؟ ازاي قادر ان انا اروح اشتري حاجه اكلها والبلاد اللي حوالينا بتحارب ده احتراق وبيعمل اكتئاب وبيوقف عن بناء نفسك وبناء وطنك .


يحكي لنا السيره مش كل الناس سيدنا ابو بكر الصديق


ومش كل الناس سيدنا عمر ، ومع ذلك في بينهم تفاوت في الانفعال

وقت الازمات وقت غزوه تبوك كان عدد ربعمائة ألف روماني عليهم على المدينه واحنا ثلاث ألاف بالكتير دي ازمه طاحنه واباده جماعيه فطلع جيش المسلمين وسيدنا النبي صلى عليه وسلم شجع الناس يتبرعوا وينفقوا علشان ان احنا نساند بعضنا وندافع عن بلدنا فجه سيدنا ابو بكر الصديق بكل ما يملك فسيدنا محمد قال له ماذا ابقيت لاهلك؟

قال له ما بقتش حاجه انا جيت بجسمي و فلوسي كلها كل ما املك ابقيت لهم الله ورسوله ربنا كريم ان شاء الله

جه سيدنا عمر بنص فلوسه شوف سيدنا عمر ده ثاني اكبر واحد في الامه ومع ذلك هو مش زي مش وسع سيدنا ابو بكر جاب نص فلوسه فسيدنا محمد

قال له ماذا ابقيت لاهلك؟

قال ابقيت نصف مالي يا رسول الله يعني انا شاركت وانفعلت وساندت باللي اقدر عليه طبعا كتير قوي نطلع نص ماله بس في الاخر القدرات متفاوته 

زي ازمه فلسطين ساند بوقتك وعلمك وجهدك ومالك لكن دون ان تحترق عشان تفضل واقف كده ما تتشتت لما تاكل لقمه ولا مثلا تبتسم ابتسامه

 

ثلاث سلوكيات بيشتت البني ادم ويزوده عجزه

السلوك الأول: هو كثره كلمات الضحيه والشكوى من الاقدار

وقت وباء كورونا كان في موجه كده من اليقين ان ربنا غضبان علينا وبينتقم من الكره الارضيه ، وده حكم على الله بغير علم ، وتخيل لما الواحد يبقى بيحكم ان ربنا غضبان علينا فتبقى الناس عيانه وربنا كمان غضبان عليهم.
سيدنا النبي عليه الصلاه والسلام بيقول اذا دخلتم على المريض فنفسوا له في الاجل يعني قولوا له ربنا يبارك في عمرك وان شاء الله تقوم بالسلامه وترجع لبيتك فنفسه له في الاجل فان ذلك لا يرد شيئا لكنه يطيب بنفس المريض يعني لو ربنا كاتب له الشفاء هيشفى سواء قلته كده او ما قلتوش ولو ربنا كاتب له الإنتقال للرفيق الأعلى هينتقل الى رحمه الله سواء قلته كده ولا ما قلتوش ولكن الكلمه دي بتشجع المريض الكلمه دي بتطلع من عند المريض وانت حاسس ان انت عملت اللي عليك لانك انت عندك عجز انك انت تشفيه، الشفا بايدين ربنا سبحانه وتعالى وهو في المستشفى واخد باسباب الطب، فكثره الكلمات اللي فيها عجز وضحيه وشكوى من الاقدار بتخلي البني ادم يزداد عجز وشتات أثناء المحن.

السلوك الثاني: مراقبه الناس بتعمل ايه في المحنه

الحكم على المقصر الانشغال بعتابه ولومه وفضحه

انت عارف في ازمه غزه في ناس انفعلت ووعت وتبرعت وعملت اللي عليها على قد ما تقدر ، وناس تانيه ما كانش في دماغها او كانت ملهيه في حياتها فلو انت انشغلت في ازمه كبيره زي دي انك انت عمال تتخانق مع الناس اللي مش مديين رد الفعل اللي انت بتتمناه من كل الامه ، انت هتنزعج ويساء ظنك في الناس وتفضل تحكم عليهم وتروح بيتك وانت متضايق وانت محتاج نفسك عشان تعرف تدعم القضيه وتعرف تشتغل فتقوي نفسك .

شوف سيدنا الفضيل بن عياض يقول لك :

المؤمن: يستر وينصح

والفاجر: يهتك ويفضح

كانه عايز يقول : لو شفت واحد مش بيتصرف في المحنه زي ما أنت عايز من أصحابك المقربين اللي انت بينك وبيهم حق بينك وبينهم حق التناصح، ممكن تقوله كلمه وقول له ممكن نعمل كذا وكذا دي امتنا لكن ما تخشش تتخانق فتزداد انت اكتئابا في وسط المح والازمات اللي  عندك فيها احساس بالعجز.

السلوك الثالث : الكف عن القيام بالأنشطه الطبيعيه اليوميه

من مسئولياتك ان واحد يبقى عنده ازمه مثلا : حاله وفاه في البيت عدى يوم واثنين وثلاثه واربعه واسبوع هو لازم يكون جزء من الحل ما يبقاش جزء من المشكله

ابن مثلا من الابناء توفي بقيه الأسره مثلا من الأبناء ، أو الأقارب يبداوا يشوفوا ممكن يخدموا على الأب والام ازاي لكن لو توقفت وحزنت وقفلت على نفسك انت كده خد بالك ممكن تبقى جزء من المشكله اللي تزود احساس العجز والهم على الأب والأم فخد وقتك في الحزن اه لكن لازم تبدأ تتحرك .

نفس الكلام في أزمه فلسطين ناس كتير مش قادره تمارس حياتها اليوميه علشان المشاهد اللي بتشوفها طبعا مشاهد صعبه بس

نت محتاج تكمل حياتك وانت بتدعي

وتتبرع بالطرق القانونيه السليمه وتوعي الناس لكن لازم تشتغل فتقوي نفسك وتقوي بلدك وتستمر الحياه حتى لا تزداد عجزا وكان سيدنا النبي يقول كده :

اللهم اني اعوذ بك من الهم والحزن اللي بيعمل ايه واعوذ بك من العجز والكسل واعوذ بك من الجبن والبخل واعوذ بك من غلبه الدين وقهر الرجال



لو انت حاسس بالعجز في وسط المحن والأزمات

هقول لك على حقيقه كده فكر فيها وعيش بيها على وجه اليقين

ادخل المحنه بالله ولا تبحث في المحنه عن الله

انت أصلا ربنا معاك مش جوه المحنه

بتقول له انت فين يا رب ؟ 

هضرب لك مثال انت عارفه قوي الطفل الصغير جه ميعاد الحقنه في الصيدليه يلا يا حبيبي انزل خدوا الحقنه في الصيدليه مش هروح لما امي تبقى معايا لانه داخل على الوجع ده هو مش هيعرف يستقبل ويستحمل الوجع اللي فيه الشفا ده الا وهو ماسك ايد امه هي امه اللي قالت له روح خد الحقنه.  و لله المثل الأعلى .

سبحانه وتعالى هو معاك مش تقول له يا رب انت فين يا رب من اللي بيحصل لنا ده؟ السؤال ده بيعجز البني ادم اكتر


ثلاث أيات يطمنوك وقت الأزمة

كان سيدنا عامر بن قيسي يقول لك كده يفكرك ينقلك من الشتات لليقين بالقول ده يقول لك ثلاث ايات في كتاب الله اغنتني عن الخلق

• (مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ) (فاطر"2")
• (وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ)(يونس"107")
• (وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا)(هود"6")

ما دام انا لسه عايش على الأرض يبقى رزقي على الله وفرجي في محنتي على ربي اللطيف سبحانه وتعالى



فكانوا بيخشوا الإبتلاءات بالعقيده دي مش بسال فين ربنا سايبني كده مش لاقي اكل ولا فين ربنا سايب الامه بيحصل فيها كده ده



انا بنظرو بشوف  بالله يقول لك ينظر بنور الله عني بشوف كده هو ربنا يحب مننا ايه ؟

ما هي التصرفات اللي ربنا يرضى عنا فيها وسط المحنه والازمه فيتحول من عقلي انت فين يا رب؟ إلى: أنا بيك يا رب في الازمه دي ومش هعرف استقوى الا بلطفك جنبي يا رب..

عيش المعاني دي واخرج من شتات الوحده جوه الازمه و أشعر يقينا  ان الله معك سبحانه وتعالى .

كيف تخرج من عجزك؟

في وقت الازمات والمحن مع عجزك محتاج تعرف حقيقه على وجه اليقين، انت مش عاجز عجز كلي قد يكون هناك مساحات من العجز انت مالكش ايد انك تعرف تغير حاجه احنا محتاجين نرضى بقضاء الله، ونتصالح بالعجز ده ، لكن على وجه اليقين بلا شتات في مساحات تانيه ربنا سامح لنا بيهاان احنا نسعى لرفع اي ازمه او محنه .

· الدعاء بيقين

يكفي انك انت عندك دعاء دي أوقات الإستجابه واوقات النفحات ترفع ايديك ربك يستجيب ويغير ببركه ايديك اشياء حواليك .

احنا شفنا في رحله حياتنا القصيره دي اشياء كتير ببركه الدعاء ربنا بيكرم ل بيها (ادعوني استجب لكم).

وان كان خيرا اعطاه الله كما قال صلى الله عليه وسلم ولو مش خير ربنا يدفع عنا بلاء اخر اكبر كان ممكن يقع ببركه الدعاء ده ولو مش الاثنين دول ، ربنا يدينا اجر يوم القيامه عشان دعينا بحاجه هي مش خير بس لان ربنا حيي كريم يستحي ان يرفع العبد يدا فيردهما صفرا خائبتين ، فيديك اجر ومغفره يوم القيامه فالدعاء كله خير

يمكن الأمان اللي في بلاد كتيره من بلادنا ببركه دعوات الصالحين ان ربنا يسترنا ويحمينا ويحفظنا من كيد الكائدين فلو سمحت ما تعجزش عن الدعاء

التواجد بقلبك

الشيء الثاني اللي انت مش عاجز عنه هو التواجد بقلبك حتى لو معكش فلوس تساعد بيه او معكش شفا تشفي بيه مريضك اللي انت نفسك انه يعيش و ده يرد له صحته .

بس مجرد تواجدك وزيارتك للمريض الوحيد واحساسه بيك حتى لو في غيبوبه احنا ما نعرفش هو حاسس بايه يمكن يكون شايف ولا حاسس احنا ما نعرفش ربك يقول (فلولا اذا بلغت الحلقوم)

خلاص بيموت واحنا عندنا عجز ان احنا نشفيه الشفا بايد ربنا دي اراده ربنا (فلولا اذا بلغت الحلقوم وانتم حينئذ تنظرون) شايف اللفته دي؟  انت جنبه للاخر (ونحن اقرب اليه منكم ولكن لا تبصرون) فانت موجود بتدعي ان ربنا يخفف عنه وبتقرا له سوره ياسين اقراوها على موتاكم بتخفف عنهم.

 ويكفي ان ربنا سبحانه وتعالى زي ما قال في الحديث بيبقى عند الميت فانك لو عدته كما في الحديث لوجدتني عنده عند الميت برحمته وكرمه فاحنا في معيه ورحمه و ده اللي في أيدينا واذا انتقى الانسان للرفيق الاعلى احنا لا نملك الحياه و الموت بايد ربنا.

يوم ما سيدنا النبي واحد ساله عليه الصلاه والسلام : اي العمل افضل ؟
قال : ايمان بالله وجهاد في سبيله .
قال : اي الرقاب اعظم يعني لما اجي اشتري عبد اشتري انهي عبد قال اغلاها ثمنا وانفع عند اهلها لو سمحت لو
قلت يا رسول الله فان لم افعل ؟
قال : تعين صانعا ، قال: فان لم افعل؟
قال : تحبس شرك عن الناس
فان ذلك صدقه منك على نفسك

يبقى لو سمحت
لا كلمه سلبيه على الفيسبوك ولا تكسير في الناس ولا تخويف من المستقبل ولا نشر الشائعه ولا اي حاجه

ذكر ودعاء ولجوء لربنا سبحانه وتعالى ووجه هادئ مبتسم كده، وكل واحد يجتهد في محنته وأزمته عشان كده يا صديقي خليك بصير ويقينا بلا شتات عجزك مش كلي مادام ربك موجود سبحانه وتعالى.

بسم الله والحمد لله والصلاه والسلام على سيدنا رسول الله اللهم خذ بايدينا اليك

بالعطاء ولا تاخذ بايدينا اليك بالبلاء

اللهم ثبتنا على احسن الاخلاق واجعلنا من الصادقين اللهم كن دليلنا عند المحن واملا قلوبنا بحسن الظن فيك وايدنا بما ايدت به عبادك المتقين صل اللهم وسلم وبارك على سيد اهل الصبر

واليقين والحمد لله رب

تعديل المقال